cek beiby cek onetwothree =)

Dharma Wacana

Ngajegang Basa lan Sastra Bali
Inggih, suksma atur titiang majeng ring panganter acara, indik galahe sane kapaica ring panewekan titiang. Pinaka purwaning atur, ngiring tan maren ngaturang puja pangastiti majeng ring Ida sang Hyang Widhi Wasa, dumogi Ida sarwa ledang mapaica tuntunan miwah kerahajengan malarapan molihang labda karya sidaning kaapti. Ring galahe sane becik puniki, titiang pacang matur amatra paindikan ‘Ngajegang Basal an Sastra Bali’. Sadurung titiang nguningayang atur, pinih riin aturang titiang panganjali umat,
“Om Swastyastu”
Kepala sekolah sane wangiang titiang, para guru sane kusumayang titiang, para dewan juri sane wangiang titiang, miwah para sisia SMA Negeri 4 Denpasar sane tresna sihin titiang, sane presida rauh ring galah sane becik puniki.
Inggih para semeton sinamian, ngiring mangkin sareng sami mulat sarira nyingak nyliksikin raga soang-soang. Sampun ke para semeton sinamian sutindih ring basa bali druene ?
Kasujatinipun, wenten sane kabaos Basa Bali punika wantah pinaka wadah utawi ceciren nyinahan genah wewidangan jagat Bali, ngampilan mangda tan ical seisin pakayun miwah parisolah, sane kawastani kabudayaan.
Para turise, angob ring kawentenan kabudayaan Bali sane kasub ring dura Negara. Bali polih jajuluk ‘Pulau Dewata’ santukan sapenuh antuk pura, antuk aneka rupa kesenian, kesenian purwa miwah anyar. Sarahina kamargiang upacara yadnya, miwah sane lianan sane ngulangunin tur ngangobing meweh ngrereh saih indik kalewihan Bali ring jagat sane tiosan.
Punika mawinan mabuat manah titiang mangda para semeton sami, para sisia iriki kayun teleb malajahin basa miwah sastra Bali druene. Manut pangandika anak lingsir-lingsir, ring basa bali miwah pustaka bali, madaging pangweruh miwah kawicaksanan sane kalintang luwih, minakadi satua, tutur, paribasa, geguritan, miwah kasusastraan sane lianan.
Basa Bali punika kabaos salah sinunggil saka wiadin pilar sane ngajegang baline. Ngiring mangkin sareng sami ngelestariang miwah ngwerdiang basa bali druene antuk teleb malajahin, mangda Basa lan Sastra Bali druene tan mresidang nguredang tur magentos antuk kabudayaan sane tiosan. Angge Basa Bali druene ring sajeroning pagubugan serahina. Ungguhin basa, mangda prasida setata masesuratan antuk aksara bali, melajah mesastra turmaning nincapang sesuluh, “malajah sambil magending, magending sambil malajah”. Iraga sareng sami, patut bangga madue Basa, Sastra, miwah kebudayan sane sampun kaloktah ring dura Negara.
Inggih para semeton sareng sami sane wangiang titiang, wantah asapunika prasida katur paindikan Ngajegang Basal an Sastra Bali, mogi-mogi wenten pikenoh ipun. Makawesana, sineb titiang antuk parama santhi,
“Om Santih, Santih, Santih Om”

Siapa Angger ??

Angger adalah seorang yg memiliki nama lengkap I.A. Sri Puspita Wati, lahir pd tanggal 22 Februari 1994, anak pertama dr 4 bersaudara. Berasal dr keluarga besar yg sederhana dan hidup apa adanya, berdomisili di Bali pastinya (tp belum pnya KTP).
Angger ituu orangnya :
- Baik, tp kadang jahat.
- Ramah, tp kadang cuek,..
- Rajin, tp kebanyakan males, :)
- tidak sombong,"kalo ini emang"
- cinta orang2 yg mencintainya, cinta bersih, cinta alam, dsb.
- suka warna biruu..

paling ga suka sama orang yang :
- caper aliaz cari perhatian
- sombong
- sok pinter,
- gag setia kawan
- suka ngerebut milik orang lain
- dan masih banyag lagi

"no body's perfect",.
That's all about Angger.. tq